氣味

我對氣味相當敏感。

不知你可曾試過聞到一些氣味﹐ 然後勾起一些無盡的回憶呢﹖ 我並不特別嗜好茗茶﹐ 但每次喝到一口茉莉花茶﹐ 心緒總是又回到了我祖父在家鄉的花園﹐ 想起很多童年的回憶。 欣慰的是一腦的回憶盡是陽光。

迷失

不知為何﹐ 最近總是有種若有所失﹐ 不太實在的感覺。 我並不打算深究﹐ 反正日出日落﹐ 日子就是這樣靜靜的過去了﹐ 早已習以為常。 日出而耕﹐ 日落而織﹐ 很原始的生活﹐ 以前會覺得很淒怨﹐ 但現在卻只覺得浪漫。 難道退休的日子已經來臨﹖

楝篤笑

...
一夫: 琴日, 我哋有出街食Lunch!
一妻: 冇!!!
一夫: 唔係啊!?
...<思索中>
一妻: 死囉! 無咗腦添.
一夫: 傻啦, 唔係無咗, 坐住遮!
一妻: 咁... 邊個嚴重D啊?
...
我諗之後梗有一個無飯食...

哺乳的男人 (1)

望著漸入夢鄉的韞韞, 逸文終於鬆咗口氣, 推著BB車, 慢慢地係購物中心閒逛. 心裡面盘算著:"仲有差不多成個鐘, 如風先做完她嘅按摩治療, BB韞韞應該而家就要飲奶, 好彩佢瞓咗, 如果唔係, 而家應該會係度扭計食嘢". 逸文四周圍望望, 發覺今日嘅商場特别旺, 人來人往, "哇, 今日セ鬼日子, 咁多人嘅? 好彩過往經驗, BB總係越嘈就越好瞓".

過往幾個月, 如風同逸文都會輪替咁去呢個商場隔離嘅按犘治療中心做指壓. 以往幾次如風都好技術性地計好時間, 喂掂BB先交俾逸文, 因為佢知道逸文有Public Attention Phobia, 即係腌尖聲悶侯羣症, 所以如風每次都機關算盡咁安排好一切. "但今日唔知做セ鬼, 如風一反常態, 話唔可以再忍. 忍セ鬼遮, 急咪去厠所囉. 無嘢穩嘢搞, 一定係佢D豬朋狗友"! 行下行下, 逸文突然強烈感覺到有D大事不妙, 低下頭一睇, 果然見到BB韞韞正張開好奇的雙眼. 一向冷靜嘅逸文突然覺得全世界忽然停頓咗, 一個特寫鏡頭係咁就片咗落來, 再加埋加強嘅燈光! 哇!!! 面油都嚇到標晒出來!

<待續> - 此連載歡迎讀者投稿!

晨

清晨了, 雨, 洋洋洒洒, 在朦朧初白的天空落下, 滴滴答答, 落在一片寧靜的街上. 望着女兒甜甜的睡容, 感受著她的體溫, 她的心跳, 我似是被慢慢地融化了... 一切都是這麽的美好.

爽

很耐都無毫無拘束口無遮攔地亂說一氣了! 感覺眞係好爽! 好不容易阿少倫少市栢栢小姐終於係MSN蒲頭, 雖則短短十幾分鐘, 但同佢一輪粗言穢語地互訴近况之下, 終将一口怨氣盡數散盡.

其實我不嬲都斯文有禮, 而栢栢小姐亦都可以講係西人見西人愛的斯文尃業人士, 奈何我哋太熟, セ嘢都嗡得一餐, 所以眞誠對話就一定加翻少少調味料, 好奇怪, 一股怨氣似乎消除貽盡.

得出嘅結果就係有緣嘅就會聚頭, 緣盡嘅咪由得佢過去囉. 雖然我有俾人用完即棄嘅感覺, 但起碼無俾人榨乾榨淨啊!

釋懷啦! 我會無悔!

無題

妳說﹐下雨過後﹐ 彩虹就會出現。。。
是嗎﹖ 不盡然吧。
但是﹐ 黎明過後﹐ 光明就一定到了。

友人說﹕“你一點也不感性!”
是嗎﹖ 也許吧。
人生又能有多少知己呢﹖

Paris Hilton 戲劇性的進出監獄﹐ 是民主的體現嗎﹖
可能吧。
有錢就可以盡情彎曲法律。
這就是西方特色的民主吧!

感性

想不到我第一次的處男之作會係呢一個題目.

其實我自己一直都覺得自己頗為感性. 因為自細睇到D好的文章, 詩啊詞啊之類心裡面總會不期然地想去感受一下裡面的意境. 或大聲誦讀, 又或抄摘下仔細回味, 又惑是興之所至, 亦會寫下觀感, 所以一直片面地以為自己都幾感性.

睇到一D蕩氣回腸感人肺腑的戲我亦會随之感懐身世一翻, 但我記億之中從來没有在人前洒下男兒淚, 屋企人當然除外. 至細都覺得男人不應讓女人流淚之時,亦該是有淚不輕彈. 還記得剛剛出來世會做嘢, 餐館侍應! 一個從細都未諗過做的行業, 係一個陌生的國度陌生的環境, 對住一班陌生的同事, 個種傍徨個種不安都幾難以筆墨形容, 再加上因為初到溫哥華還未適應D heat, 有一次係最忙的餐期的時候突然滿鼻鮮血, 背住人抹乾繼續做, 再流再抹再做, 好辛苦好慘, 但係流淚由始自終諗都冇諗過. 始終覺得天将降大任於斯人, 必先苦其心志，勞其筋骨，餓其體膚. 哭泣, 對唔住, 我唔識.

但如果你問我, 你感性嗎? 我會答, 係...